Estamos moi felices de poder amosarvos esta regueifa en liña, na que participaron os nosos regueifeiros de 3.º da ESO. Sodes o noso orgullo! Parabéns! Podedes ver todo o vídeo, pero este noso grupo aparece a partir do minuto 2.34. Moitas grazas a toda a xente que suma esforzos para que o Correlingua se manteña, mesmo neste curso tan diferente.
Tal e como vos indicamos na anterior entrada da páxina web, aquí temos a segunda parte do noso traballo “Xogos de lingua”. Queremos que gocedes co vídeo tanto como o fixo o noso alumnado aprendendo os trabalinguas e coñecendo as linguas dos seus compañeiros e compañeiras. Agora só nos queda seguir transmitindo e espallando as nosas linguas propias, para xogar, para aprender, para comunicármonos, para amosar a nosa realidade. Podedes premer a seguir e comezará o vídeo: Xogos de lingua—
Nunha casa de orfos na Hungría un grupo de nenos e nenas pediron polo Nadal recibir postais de todo o mundo. Os alumnos/as de 1ºESO fixeron un gran traballo e, o día 17 de decembro, todas saíron para Hungría. Bo Nadal!
O alumnado de 4.º da ESO quere presentarvos o seu último traballo relacionado cos últimos días de Pompeya, realizado na materia de Cultura Clásica. Desexamos que vos guste tanto coma a eles. Só tedes que premer na seguinte ligazón: O último día de Pompeya
