O equipo de traballo dos polos creativos xuntouse hoxe para traballar con automatismos. Estes foron os resultados: E funcionan! Seguiremos compartindo os avances desta formación, que esperamos poder implementar co alumnado moi pronto.
Con motivo do Día da Paz , celebramos un pequeno acto conmemorativo no patio. Os nosos alumnos/as colocaron as pezas dun crebacabezas xigante e cantaron a canción “Paz,Paz,Paz” de Juanes, que previamente prepararan na materia de Música.
Este ano o alumnado de Educación infantil foi disfrazado de fantasmas e o profesorado de Comecocos. Foi unha mágoa non poder saír pola contorna pero pasámolo xenial indo de comparsa por todas as aulas de primaria e da ESO.
Os rapaces e rapazas de 6ºep recibiron esta mañá ao actor Antonio Durán “Morris”, coñecido pola súa traxectoria na televisión e no teatro, sobre todo en producións galegas. Moi amable, contestou a tódalas preguntas que os nenos tiñan preparadas para él. Esta actividade, en forma de entrevista, será parte do noso proxecto Faro da Escola 2024. Ata entonces, aquí vai un pequeno adianto.
Con motivo da conmemoración do Día da Muller a Nena na Ciencia, os grupos de 2.º e 3.º da ESO visitaron o Museo do Mar, onde participaron na actividade “Un mar de mulleres”. Puideron coñecer a realidade da industria conserveira e o papel da muller no traballo relacionado co mar. E, para rematar, visitaron o acuario.
Hoxe os alumnos e alumnas de 5º e 6º ep recibiron a visita de Iria Misa. Veu falarlles do seu libro “Unha veciña de película”, que leran na materia de Lingua Galega. Neste rato tan divertido os rapaces e a autora intercambiaron preguntas, opinións e curiosidades sobre a obra. Ao rematar, Iria, moi amablemente, asioulles os libros. Os nenos e nenas, a cambio, entregáronlle un bloc cuns debuxos que lle fixeron. Moitas grazas pola visita, Iria!
Día do Ensino - Non lectivo
Día da Infancia