Este ano, no que se conmemoraba o 10º aniversario do proxecto Faro da Escola, o alumnado do noso centro obtivo tres galardóns entre os que se atopa o Premio á Portada 10 anos e o Primeiro Premio de Vitrasa, que fai unha reportaxe sobre o paso do Tranvía ao autobús en Vigo. ¡Felicidades para todos xa que é un proxecto no que a nosa comunidade educativa envórcase ano tras ano.
Hoxe, os nosos leonciños de infantil foron a biblioteca Neira Vilas. Con moito entusiasmo, descubriron o mundo dos contos, onde as historias cobran vida. Foi un un día cheo de diversión, aprendizaxe e moitas sorpresas, mentres coñecen novos libros e escoitaron distintos contos.
Onte o noso alumnado do 1º e 2º ciclo de E.P visitou a Biblioteca de Xosé Neira Vilas. Pasaron unha xornada estupenda entre contos descubrindo toda a xente que hai detrás da publicación dun libro; desde quen o escribe a quen o ilustra ou o edita. O noso alumnado descubriu sorprendido que son moitas máis persoas das que pensamos. Tamén se converteron en autores e autoras das súas propias creacións literarias que poderedes ver en máis detalle moi pronto no—
O grupo de 1.º da ESO visitou o museo municipal Quiñones de León. Alí percorreron a sala dedicada á prehistoria. Despois pasearon polos xardíns do pazo, viron a primeira pista de tenis de Vigo e os enormes eucaliptos plantados en 1872 (posiblemente os máis antigos de Galicia). Foi necesario que se unisen nove rapaces para rodear unha destas árbores.
