A semana pasada participamos no XIV Certame Escolar de Regueifas do Concello de Vigo. Alí fomos co noso club de regueifeiras e regueifeiros, xunto a outros centros de secundaria de Vigo. Con Pinto e con Caruncho, como mestres da celebración, a mocidade amosou os seus dotes nesta arte de improvisación. Unha das nosas alumnas pasou a primeira rolda, así que seguiremos practicando para os próximos certames. Parabéns a toda a rapazada!
Esta semana volveron visitarnos Pinto e Caruncho, grandes regueifeiros, para seguir traballando coa rapazada na arte da improvisación oral. A sesión comezou rompendo o xeo, presentándose, cantando sobre o que lles gusta… para rapidamente pasar a crear as súas coplas e a cantalas. Nunhas semanas haberá representación do Quiñones no Certame de regueifas.
Queremos darlle os parabéns a unha das nosas alumnas que resultou gañadora do Certame de Pintura organizado polo Concello de Vigo e Vigolandia.
Parte do noso alumnado de 4.º da eso está vivindo unha experiencia lingüística grazas ao Programa de Inmersión en Lingua Inglesa, Vigo en inglés, do Concello de Vigo. Gozade desta oportunidade!
Pinto e Caruncho visitaron o noso colexio a semana pasada. Este foi o segundo obradoiro, impulsado desde o Servizo de Normalización Lingüística do Concello de Vigo, que impartiron ao alumnado de secundaria, no que xa pasaron a sesión cantando e improvisando. Agora seguimos a regueifar no noso pequeno club do cole. Arriba regueifeiras e regueifeiros do Quiñones!
Esta semana pasada visitáronnos os grandes regueifeiros Pinto e Caruncho. Este foi o primeiro obradoiro desta actividade organizada desde Normalización Lingüística do Concello de Vigo. Nesta sesión, o noso alumnado coñeceu a orixe desta arte de improvisación oral en verso e puideron practicar o aprendido. Coma sempre, esta actividade está chea de humor, risas e o mellor ambiente!!
Semana Santa - Non lectivo
Semana do Libro
Probas de pendentes de ESO