Queremos compartir con vós a emisión do programa da Gala de Premios Dígocho Eu. O noso colexio foi finalista. Desta volta, non trouxemos o trofeo para a casa, pero si a ledicia de pasar unha tarde con Esther Estévez e con Óscar Cruz. Se premedes a continuación, poderedes ver o programa: gala.
Por fin podemos compartir o vídeo que gravou con nós Esther Estévez para o programa Dígocho Eu! Esperamos que vos guste.
Xa vos podemos amosar un pequeno vídeo que fixeron desde a produtora do programa Dígocho Eu o día da gravación. En poucas semanas, amosarémosvos o vídeo. Esperamos que vos guste!
O grupo de 2.º da ESO tivo a oportunidade de coñecer a Esther Estévez e gravar con ela un vídeo do Dígocho Eu! Despois da gravación, puideron conversar con ela e co seu equipo, e falar de xornalismo, da TVG e tamén do Digochiño, que tiña seareiros entre a rapazada. Moi pronto poderemos compartir con vós o vídeo.
Este curso, con motivo do Día das Letras Galegas, animámosnos a arremedar o programa Dígocho eu! Non perdades os dous vídeos se queredes aprender novas palabras e expresións:
Hoxe é o Día das Letras Galegas, e gustaríanos compartir con vós nesta data uns vídeos que prepararon algúns grupos da ESO. Seguro que coñecedes o programa Dígocho eu. Pois o noso alumnado imitou os vídeos deste espazo televisivo. Así que atentos e atentas… Colgamos clase ou…? Facer a bogada… e ir de esmorga! Xogamos á billarda? Esperamos que vos gusten e que aprendésedes algunha nova expresión coa nosa rapazada!
