Visita de 2.º da ESO á Biblioteca Xosé Neira Vilas

Esta semana o grupo de 2.º da ESO visitou a Biblioteca Xosé Neira Vilas. É unha saída que gusta moito ao alumnado, xa que sempre lles presentan unha temática interesante e unha chea de referencias bibliográficas para achegarse despois a elas. Este curso a temática son as Olimpíadas, xa que se van celebrar o próximo ano 2020.

Recibiunos a bibliotecaria Mar, que nos falou un pouco sobre como facernos socios da biblioteca e dos servizos que teñen dispoñibles. Demos unha volta pola biblioteca e xa nos dispuxemos a entrar no mundo fantástico dos libros e a literatura da súa man.

Mar fixo un percorrido a través de diferentes obras literarias para presentarnos a historia das Olimpíadas, coñecemos diferentes deportes, novos deportes que estarán presentes nas probas do 2020 e moitas anécdotas destas últimas celebracións.

A seguir, foi a quenda dos alumnos e alumnas, de participar na actividade que lles tiñan preparada.

Primeiro, tiveron que pasar unha proba de mímica deportiva:

A continuación, xogaron a un tabú do ámbito dos deportes:

E, para rematar, tiveron que descifrar uns xeroglíficos relacionados co mundo deportivo:

Non todos os equipos gañaron, pero si todos participaron e todos o pasaron fenomenal, ademais de aprender un pouco máis sobre os deportes e as Olimpíadas.

Así de felices nos despedimos ata o próximo ano!

 

Xogamos co galego III

Nestes  días e nas vindeiras semanas, os rapaces de 2º de Primaria levan e levarán para casa, unhas láminas que forman parte dun proxecto en galego: “Xogamos co Galego”. Cando o levan, poden escoller unha desas láminas. Cada unha, corresponde a unha das  letras do alfabeto galego. Nelas hai diferentes exercicios: buscar palabras, escribir oracións, debuxar… tendo en conta que deben utilizar ou buscar palabras que teñan a letra elexida. A idea é que coa axuda das familias, aprendan un—

Ler máis

Matemáticas na rúa

Os alumnos/as de 3º ESO participaron como monitores nos obradoiros de Imatxina na rúa que organizou a Fundación Escola Rosalía e que  tiveron lugar no centro comercial A Laxe durante a mañá do sábado. Moitos foron os nenos/as e adultos que se achegaron para tratar de resolver os xogos de estratexia que se lles presentaban, algúns deles bastante complicados. Grazas aos participantes por contribuír a achegar as matemáticas a todos os públicos.