3.º e 4.º de primaria visitan a Villa Romana de Toralla

Os grupos de 3.º e 4.º de educación primaria visitaron o Centro de Interpretación do Mundo Romano de Vigo.

Este espazo pretende achegar ao noso alumnado a historia da nosa cidade, a través de diferentes recursos, como reconstrucións, maquetas ou debuxos.

Os nenos e nenas, acompañados duns expertos arqueólogos, percorreron estes espazos, e achegáronse así ao mundo romano e puideron coñecer a súa influencia na nosa cidade, como por exemplo a súa economía baseada na pesca. Deste xeito, reforzaron os coñecementos traballados previamente na aula, e aprenderon outros novos.

Tamén puideron gozar dun paseo polo xacemento arqueolóxico situado ao seu carón, a Villa Romana de Toralla, onde se pode ver a propia villa e a salina, vinculados ás actividades da pesca e salgadura.

Así transcorreu a xornada:

Seguro que moitas familias aínda non visitastes este marabilloso espazo que temos na nosa cidade, e agora teredes uns magníficos guías!

En 1.º da ESO comezan a investigar

O grupo de 1.º da ESO tivo a oportunidade de participar no obradoiro “A miña primeira investigación”, actividade ofertada a través do Servizo de Normalización Lingüística do Concello de Vigo.

A finalidade deste obradoiro é a de presentarlle ao alumnado o método científico dunha forma experimental. Os monitores do taller trouxeron moito material e, partindo deste e dunha serie de explicacións, o alumnado tivo que descubrir a orixe dun problema.

Programa Vigo en inglés

O noso colexio participa un ano máis no programa de inmersión en lingua inglesa “Vigo en inglés”, impulsado desde o Concello de Vigo.

As nosas alumnas xa partiron cheas de emoción por afianzar os seus coñecementos de inglés e coñecer unha cultura diferente da nosa. Gozarán de tres semanas de experiencias, nunha escola nova e acompañadas dunha familia.

Só vos desexamos que aproveitedes esta viaxe!

ENTREGA DO PREMIO DE VIGOLANDIA

Retornamos ao mes de decembro do 2017, cando se convocou, dende Vigolandia, un concurso de debuxo coa temática do Nadal. Participaron todos os nenos de educación primaria, e foi elixida a nosa alumna Yolanda González Almeida como gañadora do noso cole. Yolanda foi recoller o seu premio ao concello de Vigo, acompañada pola mestra de plástica. O alcalde da nosa cidade, Abel Caballero, con outros representantes, entregoulle o diploma e unha chea de agasallos, entre eles un xogo de manualidades—

Ler máis

Saída: ” Visita o teu Concello”

Hai uns días, os alumnos e alumnas de 5.º e 6.º de Educación Primaria visitaron o Concello da súa cidade. Alí tiveron a oportunidade de coñecer un pouco máis de cerca como funciona a administración que satisfai as necesidades da cidadanía viguesa. O primeiro que visitamos foi a sala do pleno. Aquí, ademais de aprender para que serve e para quen é cada unha das cadeiras, tivemos a sorte de recibir a visita do alcalde Abel Caballero, o que lles—

Ler máis