Esta semana un grupo de secundaria visitou a Biblioteca Xosé Neira Vilas. Amosáronlles como está organizada a biblioteca e todo o que alí poden facer. O tema da visita este curso é “o libro”, así que coñeceron os diferentes axentes que existen ao redor dos libros, libros sobre libros e remataron a visita elaborando cadanseu libro.
Xa estades no 5.º reto. Estades participando con nós? Enviade os vosos vídeos. Participade acompañados e acompañadas de amigos, familia, profes… Quen quere bailar?
O alumnado de 4º ESO coñeceu moitas das saídas profesionais que poden ter ao rematar a ESO. Dende distintos ciclos (deseño, artes gráficas, enerxías, canteiría, robótica, etc.) a estudos universitarios tanto presenciais como a distancia (UNED, USC, etc.). Tamén estiveron a Policía Nacional e o Exército, nos que algúns mostraron bastante interese.
Esta semana volveron visitarnos Pinto e Caruncho, grandes regueifeiros, para seguir traballando coa rapazada na arte da improvisación oral. A sesión comezou rompendo o xeo, presentándose, cantando sobre o que lles gusta… para rapidamente pasar a crear as súas coplas e a cantalas. Nunhas semanas haberá representación do Quiñones no Certame de regueifas.
O alumnado de 3º ESO e da optativa de Física e Química de 4º ESO participou na actividade Aula Aberta á Tecnociencia na Escola de Enxeñaría de Minas e Enerxía da UVigo. Os de 3º realizaron un obradoiro de reciclaxe de aceite de fritura no que, mediante un proceso de axitación magnética e cun catalizador de hidróxido de sodio, obtiveron biocombustible e glicerina. Logo, separaron por decantación o biocombustible e empregárono para facer unha candea. Doutra banda, os de 4º—
Xa chegamos ao reto 4. Estás participando? Queremos ver todo o que sabes facer na nosa lingua. Aínda estás a tempo de enviar os teus vídeos dos primeiros retos. Desta volta, queremos comprobar se es quen de cantar. Lanzamos dúas propostas, cal escolles?
Día Escolar da Non Violencia e da Paz