O grupo de 4.º da ESO participou no programa educativo Iniciación segura á pegada dixital e ás redes sociais. Aprenderon o significado e a importancia da identidade dixital e a pegada dixital, así como algunhas nocións sobre seguridade nas redes sociais. Agora só lles queda poñer en práctica o aprendido.
O venres pasado o grupo de 3.º da ESO visitou a Facultade de Telecomunicacións da Universidade de Vigo para participar na xornada Conecta con atlanTTic. Ademais da cámara anecoica, na que non se escoitaba ningún son, puidemos ver a maqueta a tamaño real do último satélite enviado ao espazo, chamado “Lume”. No laboratorio de óptica-electrónica puidemos tocar os microchips cos que traballan. E, por último, dos distintos postos polos que pasamos, chamounos a atención o can robot. Algún do noso alumnado—
A semana pasada o grupo de 1.º da ESO puido coñecer o gran regueifeiro Luis O Caruncho. Aprenderon sobre a orixe das regueifas e a súa presenza en diversos países. E tamén cantaron e crearon as súas propias coplas. Agora estamos impacientes a que chegue a data da seguinte sesión!
Algunhas das nosas alumnas de 4.º da eso están a participar no Programa de Inmersión en Lingua Inglesa, impulsado polo Concello de Vigo. Durante a súa estadía, ademais de saídas e excursións, teñen a oportunidade de asistir a un centro escolar. É unha oportunidade óptima para mellorar o seu dominio da lingua inglesa e afondar nunha nova cultura.
Aínda estades a tempo de anotarvos nas actividades extraescolares. Se premedes na imaxe, xa vos podedes anotar.
Xa estamos a organizar este novo curso e queremos propoñer algunhas actividades extraescolares para o alumnado do centro. Este curso as actividades chegarán da man de Cocofante. Estamos seguros de que resultarán un bo complemento para a formación dos rapaces e rapazas. Podedes premer sobre a primeira imaxe para inscribirvos ou a continuación: ACTIVIDADES.
Día do Ensino - Non lectivo
Día da Infancia