Esta semana celebramos os maios no colexio. Moitos dos nosos alumnos e alumnas non coñecían o significado desta celebración, así que decidimos explicar en que consistía esta data e tamén preparamos unhas coplas para cantar. Tivemos unhas guías da cerimonia estupendas: que deron paso ás demostracións da lírica popular dos compañeiros e compañeiras. Elas e eles serán os mantedores das nosas tradicións.
Durante a semana do 17 ao 23 de abril, fixemos diferentes actividades a propósito da celebración do Día do Libro.Lanzamos, ao alumnado de secundaria, tres propostas para que escollesen: a creación dun perfil literario en Instagram, un bookface ou unha escena literaria. Neste vídeo, podedes ver o resultado: Tamén se organizou un obradoiro sobre a orixe da escritura, diferentes tipos de escritura (cuneiforme, xeroglífica…), etcétera. Felices lecturas a todos e a todas!
O pasado venres celebramos o Entroido no colexio. Para o alumnado de secundaria, o tema proposto foi vir vestidos da época que máis lles gustase. Moitos seguiron a indicación e outros tamén se animaron a vir disfrazados aínda que doutras temáticas. Tamén participaron no concurso de disfraces: Pasamos unha xornada marabillosa toda a comunidade escolar xunta.
O alumnado de 4.º da ESO, con motivo da conmemoración do Día Internacional contra a Violencia de Xénero, participou nas actividades do programa EnlazaVigo, organizado pola Concellería de Igualdade do Concello de Vigo. Este programa é un instrumento útil para educar en igualdade a nosa mocidade e busca construír unha sociedade máis xusta e igualitaria para todas e para todos.
Este curso volvemos celebrar o Magosto cunha saída de todo o alumnado. Compartimos xogos, merendas e, por suposto, castañas.
Este ano, o Día das Letras Galegas estivo dedicado a Florencio Delgado Gurriarán. O noso alumnado tivo a posibilidade de coñecer este autor e de ler algúns dos seus poemas. Despois deste traballo previo, o alumnado de primaria fixo uns murais cos que participaron no Concurso de murais organizado polo Equipo de Dinamización Lingüística. A seguir, podedes ver os gañadores deste concurso: O Equipo de Dinamización Lingüística tamén organizou un Concurso de poesía. Houbo moita participación e foi complicado elixir, pero—
