O alumnado de 3º ESO asistiu a unha charla dos centros Quérote+ sobre Sexualidade. Se ben un tema integral (biolóxico, ético, histórico, etc.) da persoa non se pode aprender en 50 minutos, os rapaces recibiron información de moitos asuntos de interese (ITS, métodos anticonceptivos, …) e, o que é máis importante, de onde acudir para ser escoitados en caso de necesitar axuda.
O grupo de 2.º da ESO tivo a oportunidade de coñecer a Esther Estévez e gravar con ela un vídeo do Dígocho Eu! Despois da gravación, puideron conversar con ela e co seu equipo, e falar de xornalismo, da TVG e tamén do Digochiño, que tiña seareiros entre a rapazada. Moi pronto poderemos compartir con vós o vídeo.
Esta semana, os grupos de secundaria recibiron a visita da Policía Local de Vigo para traballar sobre a seguridade viaria e como adquirir habilidades que axuden a mellorala.
Esta semana os grupos de 3.º e 4.º da ESO visitaron o Museo Liste. É un museo etnográfico que amosa nas súas salas aspectos relacionados cos oficios, os tecidos, os cereais, a luz ou a arte de curar. Tras a visita, o noso alumnado participou do obradoiro “Enigma”, a través do que coñeceron diferentes códigos, mensaxes cifradas, xeroglíficos… que puxeron en práctica nunha xincana.
Hoxe os alumnos e alumnas de 5º e 6º ep recibiron a visita de Iria Misa. Veu falarlles do seu libro “Unha veciña de película”, que leran na materia de Lingua Galega. Neste rato tan divertido os rapaces e a autora intercambiaron preguntas, opinións e curiosidades sobre a obra. Ao rematar, Iria, moi amablemente, asioulles os libros. Os nenos e nenas, a cambio, entregáronlle un bloc cuns debuxos que lle fixeron. Moitas grazas pola visita, Iria!
Onte, os alumnos e alumnas de 6º de infantil, 2º, 4º e 6º de primaria asistiron a uns obradoiros do Concello nos que aprenderon sobre a importancia da igualdade de xénero. Desde que non hai diferezas entre xoguetes de nenos e xoguetes de nenas, pasando por grandes deportistas femininas, ata a análise de distintas profesións asociadas a un xénero ou a outro. Que importante é este tipo de formación nos nosos pequenos/as!
Semana Santa - Non lectivo
Semana do Libro
Probas de pendentes de ESO