Baixo o lema Queremos voar ben alto, esta semana enchemos de bolboretas o noso colexio. Desde infantil ata secundaria participaron no deseño das bolboretas, coas palabras máis positivas nas súas ás, para axudalos a reflexionar sobre os valores que buscamos nas persoas que nos rodean.
No Quiñones de León xa puxemos en funcionamento o noso punto lila, como espazo de información sobre temas de igualdade. Como a lectura será o que nos faga libres, este punto está situado na biblioteca.
Algunhas das nosas alumnas de 4.º da eso están a participar no Programa de Inmersión en Lingua Inglesa, impulsado polo Concello de Vigo. Durante a súa estadía, ademais de saídas e excursións, teñen a oportunidade de asistir a un centro escolar. É unha oportunidade óptima para mellorar o seu dominio da lingua inglesa e afondar nunha nova cultura.
Algúns dos nosos antigos leonciños, xa en Bacharelato, están a participar estes días da súa experiencia no programa do Concello de Vigo: Vigo en inglés. A súa experiencia de inmersión lingüística está a transcorrer na cidade de Chester. Esperamos que regresedes co voso corazón cheo de grandes aventuras.
Toda aventura debe chegar á súa fin e así, pouco a pouco, ano tras ano, chegaron a 4.º da ESO estes rapaces e rapazas que sempre terán connosco o seu fogar. Tiveron un acto de graduación cheo de lembranzas, risos e algunhas bágoas. Gardaremos sempre estes momentos no noso corazón. Vós sodes moi grandes… e as vosas familias tamén! E agora é o voso momento de voar. O futuro é voso!
Hai unhas semanas, compartiamos con vós uns vídeos feitos polo alumnado de secundaria nos que recreaban o programa Dígocho Eu. A semana pasada achegámonos ata Santiago de Compostela para asistir á gravación dun programa en directo. Ata alí fomos algunhas alumnas, familias e profesoras do centro. Puidemos coñecer a Esther Estévez, Carlos Amado e Rocío. Foi unha tarde inesquecible, compartida con moitos centros escolares que tamén se achegaron para vivir unha tarde única. Se queredes ver tamén o programa, podedes—
Nadal - Non lectivo
Día Escolar da Non Violencia e da Paz