Parte do noso alumnado de 4.º da eso está vivindo unha experiencia lingüística grazas ao Programa de Inmersión en Lingua Inglesa, Vigo en inglés, do Concello de Vigo. Gozade desta oportunidade!
O curso vai avanzando e os nosos maiores do colexio pasaron varios días en Diver Lanhoso como viaxe de fin de etapa. Certamente, foron unhas xornadas de convivencia repletas de actividades que non esquecerán.
Esta semana os grupos de 3.º e 4.º da ESO visitaron o Museo Liste. É un museo etnográfico que amosa nas súas salas aspectos relacionados cos oficios, os tecidos, os cereais, a luz ou a arte de curar. Tras a visita, o noso alumnado participou do obradoiro “Enigma”, a través do que coñeceron diferentes códigos, mensaxes cifradas, xeroglíficos… que puxeron en práctica nunha xincana.
Con motivo da conmemoración do Día da Muller a Nena na Ciencia, os grupos de 2.º e 3.º da ESO visitaron o Museo do Mar, onde participaron na actividade “Un mar de mulleres”. Puideron coñecer a realidade da industria conserveira e o papel da muller no traballo relacionado co mar. E, para rematar, visitaron o acuario.
O venres pasado o grupo de 3.º da ESO visitou a Facultade de Telecomunicacións da Universidade de Vigo para participar na xornada Conecta con atlanTTic. Ademais da cámara anecoica, na que non se escoitaba ningún son, puidemos ver a maqueta a tamaño real do último satélite enviado ao espazo, chamado “Lume”. No laboratorio de óptica-electrónica puidemos tocar os microchips cos que traballan. E, por último, dos distintos postos polos que pasamos, chamounos a atención o can robot. Algún do noso alumnado—
O curso xa está chegando á súa fin e o alumnado de secundaria saíu pasar unha xornada de convivencia ata o parque de aventuras Marikiná Park. Nun espazo natural incrible, atravesaron pontes colgantes, lanzáronse en tirolinas, saltaron con lianas… e fixeron medrar os seus vínculos de amizade. Despois desta intensa mañá, fomos ao parque forestal de Beade onde xa puideron descansar.
Día do Ensino - Non lectivo
Día da Infancia