Preparándonos para o Certame de regueifas

Esta semana tivemos connosco de novo a visita dos regueifeiros Luis O Caruncho e Pinto de Herbón. Esta segunda sesión serviu para traballar dun xeito máis próximo co alumnado, que, entre risos, comezou a cantar sobre o seu nome, a súa procedencia, os seus gustos… Estes primeiros momentos serviron para romper o xeo, xa que rapidamente pasaron a gozar do momento coa improvisación. E así queremos compartir estes momentos con todos e con todas vós: Houbo coplas para Pinto e—

Ler máis

E xa estamos regueifando

Parte do noso alumnado da ESO tivo a oportunidade de achegarse ao mundo da improvisación oral en verso da man dos grandes regueifeiros Luís O’Caruncho e Pinto de Herbón. Comezaron rompendo o xeo cos rapaces e rapazas, explicándolles como fixándose nalgún detalle que os rodea  xa poden deixar medrar as palabras. E así o fixeron para deleite de todos os asistentes: A seguir, explicáronnos a orixe das regueifas e a súa presenza en distintos lugares do mundo. E así, pouco—

Ler máis

Día da Muller e a Nena na Ciencia

A propósito da celebración do Día da Muller e a Nena na Ciencia, o noso alumnado de 2.º da ESO puido participar nuns obradoiros organizados polos servizos de Normalización Lingüística e Igualdade (concello de Vigo). O obxectivo destes obradoiros era dar a coñecer as contribucións de mulleres científicas, ademais de poñer en valor o uso da lingua galega no ámbito das ciencias. A xornada transcorreu con moita emoción por parte do alumnado, moi motivado nas materias científicas. Podedes comprobalo xa—

Ler máis

Programa de Educación Cívico-Tributaria

O alumnado de 1.º e 2.º da ESO participou hoxe no Programa de Educación Cívico-Tributaria, organizado pola Delegación da Axencia Tributaria de Vigo. Desde un enfoque didáctico, o relator achegou aos alumnos e alumnas pinceladas sobre os bens e os servizos públicos, o financiamento ou a importancia da súa conservación. Foi unha charla enfocada á educación en valores, da que todos tiraron bo proveito.

O quentamento da Terra

O alumnado de 2º e 3º ESO asistiu a unha charla do profesor Carlos Pérez-Collazo, da Escola de Enxeñaría de Minas e Enerxía da UVigo, sobre o cambio climático que está a acontecer no planeta.   As causas son claras e apuntan a actividade humana dos dous últimos séculos, desde a Revolución Industrial, pola emisión á atmosfera de grandes cantidades de gases de efecto invernadoiro, como o dióxido de carbono, o metano ou os óxidos de nitróxeno e de xofre.—

Ler máis

4º ESO pescuda o seu grupo sanguíneo

O alumnado de 4º ESO dedicou a clase de Bioloxía a pescudar o seu grupo sanguíneo. Cun pinchaciño (voluntario: non todos se atreveron) e reactivos de anticorpos do distintos grupos do sistema AB0 e Rh, puideron comprobar cal era o seu tipo de sangue segundo a reacción ou non de aglutinación dos glóbulos vermellos.

Aí tedes a algúns despois da minicirurxía.