O noso grupo de regueifeiras e regueifeiros participou no XIII Certame Escolar de Regueifas. Sentímonos orgullosas deste equipo, que subiu ao escenario con alegría e conseguiu un 2.º posto moi doce… Podedes ver un resumo do certame neste vídeo: XIII Certame Escolar de Regueifas.
O día 23 de abril conmemórase o Día do Libro. Durante esa semana fixemos diversas actividades relacionadas con esta celebración. A seguir amosámosvos un pequeno resumo daquelas que se realizaron na biblioteca:
Pinto e Caruncho visitaron o noso colexio a semana pasada. Este foi o segundo obradoiro, impulsado desde o Servizo de Normalización Lingüística do Concello de Vigo, que impartiron ao alumnado de secundaria, no que xa pasaron a sesión cantando e improvisando. Agora seguimos a regueifar no noso pequeno club do cole. Arriba regueifeiras e regueifeiros do Quiñones!
Estes días estivemos recibindo formación en edición de vídeo, radio, cortadora láser, impresora 3D e plotter, dentro do Programa de Polos Creativos. Moi pronto poderemos aplicar na aula estes novos coñecementos.
Este xoves, contamos cunha actividade de contacontos e xogos para Infantil, 1º, 2º, 3º e 4º de Primaria por parte da organización en apoio a nenos e nenas con cancro, Bicos de Papel. Pasámolo xenial!
